Ey bihara vî dilî…
Roj wê bê hertişt dê xweştir bibe. Roj wê bê evîna me dê geştir bibe. Roj wê bê daxwaza me dê biçe serî.
Roj wê bê em ê xwe di nava agirê evînê de wenda bikin û biperitin.
Rojek wê bê û em ê bigihin hev. Ez ji van hêvîyan pir bawer im. Rojek dê bê ev xemsarî û bêhêvîtî dê biqede. Perdeya şanoya bextewarîyê dê ji bo me jî vebe.
Rojek wê bê ez ê xwe bighînim te. Dema min xwe gihand ez ê ji wir qet venegerim û herdem li ba te bimînim. Li ba te ez ê temenekî derbas bikim. Terka bawerî, îdeolojî, malbat û hevalan bikim. Tu tenê ji bo min bes î.
Ev zû ve ye ji bo Xwedê taet nakim lê dema qedera me bû yek ji bo Xwedê ez ê nimêja şikrê bikim. Piştî nimêjê şikrê ez ê her tiştî biavêjim alîyekî û tenê berê xwe bidim te.
Tu bes, baqî hewes.
