Di Fêrbûna Xweda, Ol û Baweriyê de Rola Sînemayê

Ji însanên pêşî heta niha, însanan baweriya xwe bi tiştna aniye. Bi rêya baweriyan însanan ji xwe re manewiyatek xurt ava kirine û bi sayê vê manewiyatê barê dinyayê ji wan re siviktir bûye.

Hatina me ya ser rûyê dinyayê ne bi destê me ye û her wisa çûyîna me jî dê ne bi destê me be. Em nizanin ji bo çi em hatine vê dinê û dema diçin dê çi bibe. Ev bêbersivî jiyana me însanan serobino û tevlîhev dike. Ji bo vê yekê însan derketine rê û çûne serê çiyayan (Tûrî Sîna, Çiyayê Nûr…) û ketina fikaran. Di dawiyê de gihiştine encamekî û ew encam jî bawerî ye.

Însan ji xwe re bawerî ava kirin û bi rêya baweriyan xizmet ji Xwedê re kirine, hîn jî dikin û dê bikin jî. Bi saya van xizmetên wan dê Xweda wan xelat bike û dê jiyana ebedî û bihuştê bike nesîbê wan.

Bi vê mantiqê însanan ji xwe re cîhanek û armancek ava kirin. Bi vê armancê jiyana wan bi wate bû. Êdî dizanibûn ji bo çi hatine vê dinê û dema ji vê dinê çûn dê çi bê serê wan. Ji bo pirsên xwe bersiv dîtibûn. Êdî jiyana wan bi wate bûbû.

Kesên bawermend an jî kesên bawerî avakirine (pêxember); baweriya xwe li ser çîrokan ava kirine. Bi çîrokan bêhtir xwe gihandinê dilê însanan. Bi çîrokan bala însanan kişandine ser xwe. Hemû bawerî li ser mîtekê/çîrokekê ava bûne.

Sînema jî li ser çîrokekê/senaryoyê ava dibe. Çîrokên ji aliyê bawermendan ve hatine neqilkirin an jî hatine nivîsin bala sînemayê kişandiye. Sînema jî dest avêtiyê ser vê xezîneyê û ji çîrokên baweriyan fîlmên xweş an jî projeyên xweş derxistine pêşberî temaşevanan.

Di aliyê sînemayê de bêhtir rojhilatî (Hollywood), Hindistan (Bollywood), Japonya, Çîn… li pêş in. Lewma di fîlman de bêhtir em leqayî baweriyên Xaçperestî û Budîzmê tên. Ji aliyê îbadetgahan ve jî Dêr, Kenişt û îbadetgahên Budîstan li pêş in. Misilmantî û îbadetgehên wan her çiqasî di sînemayê derketibe pêşberî temaşevanan dîsa jî bi qasî yên din pir derneketiyê pêşberî temaşevanan. Demek dirêj alimê misilman li hemberî sînemayê bûn lewma sînemaya misilmanan hîn nû nû pêş dikeve.

Kesên sînemayê baş bi kar bîne dikare vê teknîkê ji bo belavkirina baweriya xwe re bike xizmet. Mîsyonerên niha sînemayê ji bo belavkirina baweriyê bi kar tînin.

Bi saya sînemayê însan baweriyên xwe bêhtir nas dikin. Dewra pêxemberê xwe baştir analîz dikin û bi vî awayî hêstên wan yê baweriyê xurttir dibin.

Fîlm:…..

Mijara baweriyê mijarek bi talûke ye. Di vê meriv şaşiyan neke. Di vir de ez nikarim tenê li ser fîlmekî bisekinim û ji we re behsa sînemaya baweriyekê bikim. Lewma ji bo her baweriyên dinyayê min ji bo we lîsteyek amade kiriye. Hûn jî dikarin li gorî baweriya xwe ji lîsteyê fîlman bineqînin û temaşe bikin. Di lîsteya hatî amadekirin de hûn dikarin fîlmên li ser Misilmantî, Xaçperestî, Cihûtî, Budîzm û Konfiçyûzmê bibînin.

Fîlmên tewsiye: