çend zeman berê ez ne şaş bim
rojek li ber bilura Meyro
di tenura mêtingeriyê da
stranên esmanan li gundek cûdiyê dihat gotin
xwestiyê Meyro fille bû, ez ne şaş bim
xwe avêtibû bextê sar
pir neajot me dî li eynika bav da xwe
bo jibîr nekim datînim vir:
hezar û du sed maske we bi kû va bir?
eger rojek dar bifrin
bila bi dilek teng bimrê cirnexweşê heram
di bazara erzaniyê de, ez ne şaş bim
risteyên giranbûha çûn bi çend dolaran
çend xwedî hevok xwe dan ber siya ap û xalan
û ew ê bimîne ji me re hêrs û nefret
vêga ez ji we re bêjim min Meyro dî
hûnê gazî min û sifre yê bikin
min jê re qala îska îska wê kiribû
li ser sifreya tehma sarkî
bo pêşarojê datînim vir:
hezar û du sed maske we bi kû va bir?
destê min êdî nagîhijin çavên min
poz bi wan va ma?
Meyro bila bavê te qurbana te be
Di vê helbesta tirş da
Hezar û du sed maske we bi kû va bir?
