Ewran hêsir dibarandin
Mijek çêdibû ji bejn û bala te
Henûniyê xwe berdida ser
û bi dûr diketin
Mam li ber dîwaran
Jiyan ma bê wate
Liza jiyanê wenda bû
Çav li derî
Û her tim bi girî
Piştî çûyîna te
dilê min qefilî
Êdî nema dikariya bijiya
Mam bêheval û bêhêvî
Piştî çûyîna te
Bila ax bibarê
Û bila bêhn ji baranê werê
Ma tu nizanî
henasa te weke nefesa vî bajarî bû
Piştî çûyîna te
Dilê min lê nede
Lê çibikim?
Ku biçûyîna te re
ava zimzimê li ser lêvên min ziwa bûye
Û
Serê min giran bûye
Piştî çûyîna te
Xem xuya bûn
Dev zuha bûn
Şahî xirab bûn
Her tişt ku wiha nebûn
Wiha bûn
Gul cilmisîn
Baxçe fetisîn
Daristan pelisîn
Masî xeriqîn
Dile te firî wekî balinde
Ez mam û xemên mayînde
Gera ku bimînim
Di nav xemên xayîn de
Ken revî
Çavan jî xew nedî
Xeman dîsan ji min, yekî din çêkir
Tehmekî tal li welêt ma
Zevî hişk bûn
Ez mam bê hêvî
