Mirin Berdêl Bû Li Vî Welatî
berê min li te
berê te li Zagrosan bû
te sonda mirinê
bi hezar sondên dîrokê ve girêdayî
di fîncana qehweyê de gulm bi gulm vexwar
û bûyî bazê deşt û çiyayan
ji bo çirûskên çavên zarokan
ji bo serbilindiyê, aramiyê, azadiyê
axx çima mirin berdêl bû li vî welatî
li pey te
di dilê min de balîndeyên sêwî
yeko yeko xwe kuştin
te ref bi ref qulingên kenên min jî
bi xwe re bir
xeyîdîm ez ji hemû tiştên bedew
neaxifîm bi heçheçikan re wekî berê
ne min mêze kir li rojê
ne jî rojê mêze kir li min
û hêstirên min bûn sîwarên xemê
rijiyan li ser cihêzê min ên qenewîçe
di şûna hemû rengên xwezayê de
min hêvî neqişand êdî
di nav zeviyê mîmê de
